Sumqayıt Regional Mədəniyyət İdarəsinə tabeli Şuşa rayon Malıbəyli kənd Uşaq Musiqi Məktəbinin "Malıbəyli xoru" adlı xor kollektivi Beynəlxalq onlayn müsabiqədə uğur əldə edib. Xormeyster Amaliya Qasımovanın rəhbərlik etdiyi, Konsertmeyster Firuzə Məmmədovanın müşaiət etdiyi şagirdlərdən ibarət xor kollektivi Türkiyədə keçirilən "Art Planet" Beynəlxalq onlayn müsabiqədə L.Şirməmmədovanın "Heydər baba" mahnısını ifa edərək II yerə layiq görülüblər. Amaliya Qasımova və xor kollektivi diplomlarla təltif olunublar.