25.10.2024
24 oktyabr 2024-cü il tarixində “Kimyaçı” Mədəniyyət Sarayında Abşeron-Xızı Regional Mədəniyyət İdarəsi tərəfindən konsert proqramı təşkil edilib.
Tədbirdə Sumqayıt Şəhər İcra Hakimiyyətinin başçısı Zakir Fərəcov, hüquq-mühafizə orqanlarının rəhbərləri mədəniyyət işçiləri və şəhər ictimaiyyətinin nümayəndələri iştirak ediblər.
Öncə Sarayın foyesində mədəniyyət müəssisələri tərəfindən Sumqayıt şəhərinin 75 illik yubileyinə həsr olunmuş sərgiyə baxış keçirilib, daha sonra tədbir konsert proqramı ilə davam edib.
Qeyd edək ki, tədbirin bədii hissəsində tanınmış muğam ustadları və populyar ifaçılar çıxış ediblər.